أحذيه دخلت التاريخ من أوسع الابواب!!!!!ا

اولا أحب اقول إن سعادتى لا توصف النهارده و بجد مفيش خبر اسعدنى كده من زمان :)

جزمة منتظر الزيدى دخلت التاريخ بجد بكل فخر و شرف و عزة و بجد الجزمه دى تلتين العالم على الاقل دلوقتى نفسهم فيها عشان يخلدوها !!

الجزمه الى اتحدفت على بوش كانت قذيفتين موجهتين مليانين كل انواع الغل و الكره و الاشمئزاز و الغضب و كل ما له صله بالمشاعر دى متعبيين من زمان قوى

و تحسوا كده ان الجزمه فعلا كان المفروض تترمى من زمان قوى بس تكون متعبيه بمتفجرات عشان يولع بقى و نخلص من زمان بس برضه تاخيرها احسن من انها مكنتش حصلت خالص

حركه عبقريه مليانه شجاعه و رجوله و دم بيغلى من راجل فعلا بيحس و عنده نخوه عاليه جدا مع انه عارف انه هيروح ورا الشمس و القمر و الدنيا كلها بس برضه ده ما وقفوش عن انه يعمل الى اغلب العالم نفسه يعمله مش بس المسلمين و مش بس العرب ده كتير فى العالم الغربى و اكتر من امريكا نفسها

انا بجد مش هقدر اوصفها بس اكيد انتوا حسيتو معايا بكل ده و اكتر و مع انها للاسف ما خرمتش عنيه بس كفايه الاهانه و المذله الى اتعرضلها على مرئى و مسمع من العالم كله الى ردت كتير قوى من كرامتنا

و سبحان الله البنى ادم الى اسمه بوش ده عنده رد فعل سريع بشكل بجد تحس انه شيطان يمشى على الارض مع انه مكنش باصص و مش متوقع تماما ان اى حركه زى دى او شبهها تحصل بس برضه مجتش فيه و تفاداها بحرفنه و لا

اكنه كان بيلعب صيادين السمك طول عمره

!!

دلوقتى الاحذيه هتصنف من ضمن اسلحة الدمار الشامل و سيتم منع الصحفيين من الدخول باى حاجه و كمان من غير احذيه ادخل بالشراب

!!:)

و مع إن كان فيه أحذيه كتير دخلت التاريخ قبل كده -زى حذاء محمد زيدان الى كان بينطقه بعد جون الكاميرون تقريبا

و حذاء طلعت السادات الى رفعه على احمد عز فى البرلمان-

و أحذية الفلسطينين الكتييييييير الى اتحدفت على شارون فى القدس - و نفس الاحذيه سبحان الله اتحدفت برضه على احد وزراء الخارجيه المصريين

الا انهم ما يجوش حاجه جنب حذاء منتظر الزيدى

سالوا عليه اهله النهارده فى حدود المنطقه الخضراء المسؤل عن الامن قالهم انسوه انسوا ان فيه حد اسمه منتظر الزيدى و ده طبعا مستحيل يحصل

حتى لو قتلوه عمر ما حد هينساه لا اهله و لا اى حد فينا و لا فى الدنيا كلها لانه بجد دخل التاريخ بشرف و عزه مع انه دخل التاريخ بحذاؤه فقط!!!!!!ا

انا هسيبكم تشوفوها بنفسكم لو مكنتش شفتوها و لو كنتو شوفتوها شفوها تانى و تالت و رابع لانها بجد اجدع و اجمل و اظرف لقطه من سنين طويلهhttp://videohat.masrawy.com/view_video.php?viewkey=2ea58ee31af1883eac32&page=& viewtype=&category=