وإنتى مطلعه عينى!!!أ

بحبك يا مصر و بعشق ترابك
لكن ترابك دخل فى عينى

بحبك يا قلبى و حبك فى دمى
ماشى فعروقى و مزودلى همى
شايفاكى فى عيونى و بحنلك زى امى

بحبك يا مصر وبعشق ترابك لكن ترابك دخل فى عينى

بكيت كتير و دموعى خلصت
بس راجعلك قلبى فى دربك

واحشانى يا مصر ووحشنى حضنك
وحشنى اهلك و نيلك و ضلك
وحشنى هرمك شامخ فى شمسك
وحشنى بحرك و قمرك و فجرك
وحشنى شجرك و زرعك و ارضك
الى عمرى ما هسيبها تهلك
أرويها بدمعى لو خلص نيلك
أسقيها بايدى و ازرعها من خيرك


بحبك يا مصر و بعشق ترابك
و لو..... حنى ترابك دخل فى عينى

!!!!
بحبك

جربت؟؟؟!!!!ا

طول عمرنا بنحب و بنتحب حتى لو كان الى بيحبونا دول اهلنا, بس اكيد كلنا جربنا نوع من انواع الحب.كلنا جربنا يعنى ايه نعامل حد حلو قوى من كتر ما بنحبه و جربنا كمان اننا تعامل حد حلو قوى من كتر ما بيحبنا هو و خايفين نزعله.

أوقات كتير بندور على الى بنحبه و فى نفس الوقت بيدور علينا حد بيحبنا و لا احنا بنوصل و لا الى بيدور علينا بيوصل و بنفضل نلف فى دايرة الحياه لا عارفين نرتاح و لا عارفين نريح الى بيحبنا

و أحيانا كتير بنبقى عارفين ان الى بيحبنا ده بيحبنا بجد و حاسينه قوى عشان احنا كمان بنحب قوى بجد كده و يبقى الالم جاى من ناحيتين :ألم الشوق لحبيبنا و الم الإحساس بالذنب و الضيق انك مش عارف تسعد الى بيحيك.

بس ارجع و اقول انها اكبر مشكله ممكن تمر على بنى ادم فى حياته,ما هو مش عشان هو ضميره مأنبه و متضايق عشان الى بيحبه يسيب الى هو بيتمناه عشان يريح ضميره و يضحى بحبه و يضحى بسعادته عشان يسعد الى بيدور عليه.صعب بجد و الاصعب من التفكير فى كده التنفيذ.

إزاى ابقى بحب واحد و اسيبه و اعيش مع حد تانى عشان هو بيحبنى و انا مش مستحمل تانيب ضميرى من ناحيته.؟؟؟!!مهما الواحد فكر ان دى اقصى حالات الانسانيه....لانها مش انسانيه إنت بتقتل حد للابد فين حين انك ممكن تحيى حد للابد مع بعض الالم للطرف التانى فى حالة انه يبقى عارف و فاهم حقيقة شعورك تجاه الى انت بتحبه...

يمكن انا مش عارفه اوصل فكرتى قوى بس المشكله انه صعب يفهمنى حد ما عاش الحكايه و مش بس عشاها ده عاشها و حسها و ضميره و قلبه واجعينه بجد,لأن فيه ناس بيحصلها كده كتير بس مش بتلتفت للى بيدور عليها او حتى ممكن ما تحسش بيهم اصلا و لا بوجودهم مش عشان حبهم مغطى على كل حاجه....بالعكس الى بيحب بجد بيحس بالى زييه و لو من على بعد بيبقى عنده سينسور يقوله على اى حد هو اصلا عمره ما شافه قبل كده انه بيحب و فى انهى حاله من الحب ده و فى انهى مرحلة

يفضل بقى إنى اقول انه بجد فيه ناس من الطيبه قوى لدرجة انها تنفذ ده إنها تعيش مع حد بيحبها و تسيب الى بتحبه بس فى حالة ان الى بنحبه ما يكنش حاسس بينااو مش بيحبنا,فللاسف ممكن الواحد لاسباب كتيره قوى يقول خلينى مع الى يحبنى احسن من انى افضل ادور على حبى و هو مش شايفنى.......و أكيد ممكن تقول دلوقتى دى احيانا مش بتبقى طيبه و أحيانا كتير بتبقى مصلحه :::هقولك اه فى ناس كتير بتقيس كده اخد الى يحبنى و مااخدش الى احبه

بس ده كله كلااااااام الى بيحب بجد ما بيسيبش الى بيحبه لاى سبب كان حتى الى بيحبه ما بيحبهوش و حتى لو فيه الف واحد بيحبك برضه مش هتسيب الى بتحبه......................ه

إلا............فى حاله واحده !!!!!ا

لما تحس انك لو سيبت حبيبك هيبقى اسعد و هيبقى مرتاح اكتر و هيبقى مبسوط اكتر

يمكن تحس انك لما تسيبه و انت عارف انه مش بيحبك هتديله فرصه هو يشوف بقى و يختار و يحب و يتحب و يعيش السعاده الى انت اتمنتهاله حتى و لو مش معاك

إنك تحب حد يعنى تحبله كل خير و تحبله اجمل ما فى الوجود يعنى تتمناله يحب و يتحب و يعرف يعبر عن حبه حتى لو الحب ده مش ليك......!ا

غاية لا تدرك!!ا

ضحكت فقالو:ألا تحتشم:: ::بكيت فقالو:ألا تبتسم

بسمت فقالو:يرائى بها:: :: عبست فقالو:بدا ما كتم

صمت فقالو:كليل اللسان:: :: نطقت فقالو:كثير الكلام

حلمت فقالو:ضعيف جبان:: ::و لو كان مقتدرا لأنتقم

بسلت فقالو:لبطش به:: ::و لكان مجترئا لو حكم

فأيقنت أنى مهما أردت:: ::رضى الناس لابد ان أذم

لأنك ...مني

من أجمل ما قرأت للشاعر المبدع"فاروق جويده"

من شىء سيبقى بيننا

تغيبين عني..ء

و أمضى مع العمر مثل السحاب

و أرحل فى الافق بين التمنى

و أهرب منك السنين الطوال

ويوما أضيع..ويوما أغنى..ء

أسافر وحدى غريبا غريبا

أتوه بحلمى وأشقى بفنى

و يولد فينا زمان طريد

يخلف فينا الأسى..والتجنى..ء

ولودمرتنا رياح الزمان

فمازال فى اللحن نبض المغنى

تغيبين عني..ء

وأعلم ان الذى غاب قلبى

و انى إليك..لأنك منى

تغيبين عنى...ء

وأسال نفسى ترى ما الغياب؟

بعاد المكان..وطول السفر!!ا

فماذا أقول وقد صرت بعضى

أراك بقلبى..جميع البشر

وألقاك..كالنور ماوى الحيارى

و ألحان عمر شجى الوتر

و إن طال فينا خريف الحياة

فمازال فيك ربيع الزهر

تغيبين عنى..فاشتاق نفسى

وأهفو لقلبى على راحتيك

نتوه..ونشتاق نغدو حيارى

ومازال بيتى ..فى مقلتيك ..ء

ويمضى بى العمر فى كل درب

فانسى همومى على شاطئيك

و إن مزقتنا دروب الحياة

فما زلت أشعر أنى إليك

أسافر عمرى و ألقاك يوما

فأنى خلقت وقلبى لديك

بعيدان نحن و مهما افترقنا

فما زال فى راحتيك الامان

تغيبين عنى و كم من قريب

يغيب و إن كان ملء المكان

فلا البعد يعنى غياب الوجوه

و لا الشوق يعرف ...قيد الزمان

لا الشوق يعرف قيد الزمان و لا المكان

حلقات يوسف معاطى!!ا

الحلقه الأولى:

متى تتذكر حبيبتك؟؟!!!!!!ا

كتب الكاتب القدير فى الكوميديا :):(بتصرف)ا

متى تتذكر محبوبتك؟ماتعمليش زى فريد الاطرش و تقول لى ...على بالى على بالى حبك دايما على بالى..فلا شك ان فريد كان عاشقا "فاضى"متفرغا لعشقه لا يشارك فى لانتخابات و لا يذهب الى مصلحة الضرائب و لا بيتحرق دمه مليون مره فى اليوم مثلنا

و قد تبارى العشاق الشعراء فى تذكر الحبيبه فى مواقف عجيبه تدل على انه(العاشق يعنى)كان بيفشر علينا..

يتذكر عنتره بن شداد عشيقته و هو فى موقف لا يحسد عليه..فى وسط المعركه و الرماح نازله ترف..وواحد منهم معدى جنب عينه كان هيطيرها..و يبقى بعدها الاعشى مش عنتر.. و السيوف رايحه جايه يعنى مش وقته خالص و لكنه يقول

و لقد ذكرتك و الرماح نواهل

منى و بيض الهند تقطر من دمى

فوددت تقبيل السيوف لانها

لمعت كبارق ثغرك المتبسم

هل رأيتم بالله عليكم جنونا و عبطا أكثر من هذا..واحد داخل عليه بالسيف ..يقوم عنتره يقوله إييييدك ابوسها؟؟!!!ا

و هذا بالطبع شجع شاعر اخر اسمه الرشيق كان على ظهر سفينه بتغرق و فى وسط الصراخ قال إيه و هو قاعد على جنب و عايش مع نفسه:ه

و لقد ذكرتك فى السفينة و الردى

متوقع بتلاطم الامواج

و علت لاصحاب السفينة ضجة

و انا و ذكرك فى الذ تناجى

الرشيق هيعملى فيها تيتانيك؟؟يا عم نططط!!ا

و يعود ابو الحسن الوزير الشاعر ليتذكر حبيبته عند الموت عملا بالقول الشائع ...إذكروا محاسن موتاكم و الشىء الذى يسعده يرحمه الله و يغفر له بأه...أن حبيبته أكيد ح تروح الجنازه!!!!ا

و لقد ذكرتك عند اخر نظرة

منى لقومى و الحمام مهددى

فبكى الجميع و كنت ابسم بينهم

املا بانك حول نعشى فى الغد

كما ترون الصوره..الكل يبكى و يولول عليه..و هو سعيد فرخان لان حبيبة القلب ح تيجى تعمل الواجب...و انا لا ادرى ما الذى يؤكد له انها ح تيجى العزاّّّّ!!!!ا

و أخيرا فهؤلاء الشعراء اوقعونا فى مأزق,فصارت المرأه تطالب الرجل بان يتذكرها فى أحلك الظروف و أصعبها.. و هذا لايحدث بالطبع على مستوى الواقع,فحينما حدث زلزال 92 اتهمتنا زوجاتنا جميعا اننا أنذاااال و سمعتها تصرخ فى صديقى المسكين قائله::ده انت ساعة الزلزال اللى ما قلتل كلمه حلوه تشجعنى بيها...و أخذت ديلك فى سنانك و قلت يا فكيك..دى امال صاحبتى يوم شقتهم ما ولعت جوزها ما بطلش...خلى بالك يا أمال...بحبك يا امال....حاسبى على جمالك يا أمال ....بموت فيكى يا امال

ثم أطرقت فى حزن و قالت ياللا...الناس الكويسه عمرها قصير...و هكذا عرفت مصير جوز امال..قلت لها يا عزيزتىنحن نتذكركن كثيرا و كن احيانا الظروف ...فقاطعتنى قائله يمكن قبل الجواز... إنما بعده:مرات الواحد فيكو و لا تيجى على باله... انت مش شاعر!!!قلت لها احيانا..فقالت فى تحد...بذمتك كتبت حاجه فى مراتك بعد الجواز؟؟!!قلت لها ..حصل...قالت....سمعنى...قلت لها....

و لقد ذكرتك و المرتب فى يدى

فى اول الشهر الكئييب يضيع

فوددت تقبيل الفلوس لانها

طارت تؤكد أننا سنضيييييييييييييييع.

إصطبحنا و إصطبح الملك لله!!!!أ :)

كل واحد فينا بيبقى ليه شكل هو او هى عارفينه لما بيصحى من النوم,وغالبا مودنا بتاع اليوم كله بيتحدد انا ازاى صحيت النهارده ,وأحيانا كتير قوى بيبقى على حسب انا حصلى ايه اخر حاجه قبل النوم.

و فى الحاله دى سهل ان الواحد يعمل اى حاجه جميله قبل ما ينام او لما يصحى يحاول يصحى بشكل لطيف على صوت حد بيحبه او على لمسة حنيه من حد جنبه اكيد هيصحى مستبشر و كله هيبقى تمام...أصل الناس مش غاويه نكد بس الناس احيانا بتتلككك على الضيق

يبقى احنا نبطل الحجج و نظبط الموضوع ده بكل بساطه.ه

كل ده جميل قوى و أحيانا بيبقى منطقى السبب الى ممكن نكون صاحيين مضايقين بسببه,م

...

بس تفتكروا لو انا قمت من النوم متضايق بس مش عارف ليه و من إيه و ما حصلش حاجه بس انا برضه متضايق و مخنوق و مش عايز حتى اقوم من النوم._..أكيد بتحصلنا كلنا فى ايام مش قليله_؟

فى الحاله دى ندور فى الذكريات الاقدم شويه احيانا الواحد لا اراديا بيفتكر حاجه و هو صاحى كويس بتكون قديمه اه بس ممكن تقلب عليه زعل..بس برضه لازم يفكر و يقول ان الحاجه دى خلصت و اجمل حاجه ان الوقت بيمر و ما فيش حاجه بتبقى على حالها والاهم ان الحاجات الوحشه الى بتحصلنا هيجى عليها يوم نلاقى فيها حاجه ممكن تكون من اجمل الحاجات الى حصلت فى حياتنا و لو حتى اننا اتعلمنا منها.ه

لو صحيت بقى من النوم متضايق و مفيش حاجه لا قديم و لا جديد يبقى لازم تعمل اى حاجه حلوه انت بتحبها .كلم حد بتحبه و لو بتحبه بجد هيبقى كافى التفكير فيه بس انه هيخليك مرتاح و مبسوط

فكر ان الدنيا بجد فيها حاجات كتير جميله قوى و مشاعر اجمل من اننا ننساها..

فكر انك اكيد فيك او عندك ميزه او نعمه مش موجوده عند حد او مجرد انك موجود عندك الى موجود عند اغلب الناس و من غير اساسا ما تقارن ربنا سبحانه و تعالى مدى كل الناس نصيبهم بالشعره و لو حتى احنا مش شايفين كده لتباين المعايش بتاعة الناس بس برضه ربنا اعلى و اعلم و مقسم النعم علينا بشكل لازم نحمده عليها ليلا و نهارا..ه

فكر انك مهما كنت شايف الحاجات الكويسه الى فى الدنيا قليله فيكفى انها موجوده و لو قليله, لان بجد فيه ناس كتير للاسف مش شايفه الحاجه البسيطه دى

و كل واحد فينا عارف ايه الى ممكن يبسطه بس بيكسل يعمله او يقول اجيب وقت منين

انا اعرف واحده كده من بعيد معرفه سطحيه يعنى خااالص فضلت تقول عايزه اروح حديقةالازهر قبل ما تسافر لحد ما سافرت و جت و لسه برضه لسه ما راحتهاش مع انها عارفه انها نفسها قوى تروحها و هتبسط بجد فيها قوى بس الكسل عن ان الواحد يعمل لنفسيته و لتحسين حياته بيخلى الواحد يقعد يقول انا نفسى بس ما بيحققش

و كل الناس بتعمل لنفسها بس محدش بيعمل لنفسيته مع إن النفسية بتاعتنا اهم من اى شىء كل ما كان الواحد مبسوط و مرتاح كلما ادى الدنيا و الناس و لنفسه اكتر بكتير..ه

جربوا تعملو لنفسيتكم من حين لاخر هتلاقوا الدنيا بقت اجمل و هنصحى من النوم واحنا ضحكتنا من الودان للودان مهما كان عندنا مشاكل

و كل واحد صحته النفسيه فى ايده مش فى ايد حد او فى ايد اى ظروف اخرى عشان الى عايز يبقى كويس هيبقى كويس غصب عن اى مؤثرات أخرى..ه

يالا بقى معلش طولت عليكم

انا هقوم بقى عشان ورايا مشوار احتمال كده لحد حديقة الازهر :)

يا إما هقعد افكر كالعاده و اقول يا ترى هروح لوحدى و لا اروح مع مين؟؟؟!!!!!!ه

لو أنى أعلم!!!!!أ

لو أنى أعلم!!!!!!

أحببت كل شىء فيه!!!

هكذا تيقظت اقول لنفسى لقد احببت كل شىء فيه بالفعل لكن هل احب هو اى شىء فى؟؟

لطالما فكرت كثيرا و اجهدت عقلى اياما و شهورا مع انى اعلم انى اسعد معه سعادة العصفور فى حضن العش فى يوم ممطر قارص البروده.

علمت ايضا انى اجد ما اريد قوله وما اريد ان اشعره به يصل اليه بكل سهوله يفهمنى,يفكر معى,يعرفنى,يسمعنى ..أحيانا ليس دائما, و لكنى أعذره لطالما كنت كثيرة الكلام,نصحنى كثيرا و مااجمل اهتمامه ...عندما يهتم

و دائما اقول لو انى أعلم ما يفكر به الان. حلمت كثيرا بالدخول فى عقله فى قلبه فى روحه كى اكتشف هذا الكائن الذى شغل تفكيرى كله اياما كثيره و شهورا طويلهأردت لو أنى اعلم فى كل يوم و كل دقيقه و كل لحظه ماذا يفعل فيها و ماذا يقول

ربمااكون هكذا متطفله ,فضوليه.... نعم انا كذلك لكن ليس هذا هو السبب فى عشقى لمعرفة تفاصيل حياته لكن لانى .....

أحب كل شىء فيه!!!!

علمتنى الحياة كثيرا..

علمتنى كيف يفكر الناس و علمتنى انماط البشر و شخصياتهم حتى انى استطيع ان اصنفهم تبعا للشخصيه من مجرد جمله لانها تتوافق مع نمط معين مسجل عندى لكن معه كنت اتوه كنت لا ادرى من اى نمط هو ,كنت كل يوم اكتشف فيه شيئا جديدا و اقول متى سانتهى من اكتشافه متى سيصبح كتابى المفتوح الذى لا امل قراءته مع حفظى له.

هو كل البشر!!!! احسست به فى كل احوالى و بدات اتعلم منه الحياه .....و ما اجمل الحياة معه ماأجمل ان تعيش اللحظات مع من يقدر عقلك مع من يقدر احساسك مع من يقدرك كما انت بكل ما تحمل من عيوب .......

ما أجملها من لحظات و ما أسرعها ايضا ,

تمر بسرعة البرق لا ننتبه لها و تنتهى سريعا و تتركنى فى حيرة من امرى لا اقوى على التحرك او الانفصال عن هذا العالم الجميل الذى اكون معه فيه تمنيت احيانا لو......

أنى قلما ملازما له او انى صديقه الحميم لا نفترق ندرس و نعمل و نمرح سويا

إبتعدت و إبتعدت و عدت ووجدتنى كما انا لازلت احلم بالجلوس إليه لازلت أحلم بان اكون جزء اضغر من حبة الرمل فى حياته مجرد التواجد معه هو كل ما اتمنى....

’أانا اكره الحقد و الحاقدين لكنه علمنى الحقد....

علمنى ان احقد على كل من يراه و كل من يسمعه و كل ما يجاوره حقدا غليلا نابعا من اعمق اعماقى

توقفت افكارى الان لفتره...

ربما لانى تذكرت بعض كلماته لى او لانى لا اجد مااصفه به أو إنى لازلت افكر وددت بحق لو أعلم لكنى أعلم الان و انتم ايضا تعلمون .........

أنى أحب كل شىء فيه !!!!!

فاروق جويده ساعدنى كتيرا و قال:

يا ليل لا تعتب على إذا رحلت مع النهار

فالنورس الحيران عاد لارضه ...ما عاد يهفو للبحار

و أنامل الايام يحنو نبضها حتى دموع الامس من فرحى .....تغاار

و فمى تعانقه ابتسامات هجرن العمر حتى إننى ما كنت احسبها ....تحن الى المزار

فالضوء لاح على ظلال العمر فأنبثق النهار

يا ليل لا تعتب على اذا رحلت مع النهار

كم عاشت الامال ترقص فى خيالى ....من بعيد

و قضيت عمرى كالصغيريشتاق عيدا....اى عيد

حتى رايت القلب ينبض من جديد

لو كنت تعلم انها مثل النهار

يوما ستلقاها معى سترى بأنى لم اخنك و انما قلبى يحن....الى النهار